Фото ©Tengrinews.kz
Полицейлер Алматыда "мина қойылды" деген барлық нысанды тексеріп шықты, - деп хабарлайды Tengrinews.kz.
Алматы полициясы әуежайда, екі сауда үйінде және университетте тексеру аяқталғанын хабарлады. Оларға жарылғыш зат қойылғаны туралы ақпарат расталмады.
Алматы әуежайының баспасөз қызметі тексеру мен эвакуацияға байланысты қаладан ұшатын алты рейс кейінге шегерілгенін атап өтті. Әуежай мәліметінше, жан-жақты тексеру нәтижесінде ақпарат расталмаған. Әуежай қалыпты режимде жұмыс істеп тұр.
MEGA желісінің коммуникациялар департаменті белгісіз тұлғадан MEGA Alma-Ata, MEGA Park, MEGA Silk Way ғимарттарына "мина қойылғаны" туралы ақпарат келіп түскенін хабарлады. Үш сауда орталығының арнайы бөлімше қызметкерлері 15 минут ішінде келушілер мен қызметкерлерін жедел эвакуациялаған. Арнайы жасақ қызметтері хаттамаға сәйкес іс-шаралар өткізген және ешқандай қауіпті зат табылған жоқ.
Айта кетейік, бұған дейін Алматыда жеті нысанға мина қойылды деген хабар түскені хабарланған болатын.
882 рет оқылды
_140_110.jpg)
_80_80.jpg)
