видеодан алынған кадр
Алматыдағы Әл-Фараби даңғылында ірі жол апаты болды. Жүк көлігі бірнеше көлікпен соқтығысты, деп хабарлайды "Ұлт ақпарат".
Оқиға орнынан түсірілген видео Instagram-парақшаларда жарияланды.
ІІМ баспасөз қызметінің мәліметінше, 21 тамыз сағат 15:05-де Mercedes автокөлігінің жүргізушісі Алматы қаласы Жамақаев көшесі бойымен солтүстік бағытта келе жатып, әл-Фараби даңғылының қиылысында бөлгіш қоршауға соғылып, тура жүріп кетіп, даңғылдың бойымен батысқа қарай келе жатқан үш көлікпен соқтығысқан.
ЖКО салдарынан жүк көлігінің жүргізушісі мен жолаушысы зардап шеккен.
"Бұл деректі Бостандық аудандық ПБ-ның қызметкерлері тіркеп, өндіріске енгізді. Тиісті сараптамалар тағайындалды.
Алдын ала болжам бойынша, ЖКО көліктің техникалық ақаулығынан орын алған. Жеке тасымалдау қызметін көрсететін жүк көлігінің жүргізушісі К. есімді азаматтың айтуынша, жүк көлігінің тежегіштері істен шыққан.
Объективті мән-жайлар анықталып жатыр. Сонымен қатар жүк көлігінің 4 жеңіл көлікпен соқтығысқанын айта кетейік.
Медициналық көмекке алты адам жүгінген, оның ішінде ауыр жүк көлігінің жүргізушісі де бар" - делінген хабарламада.
видео: Tengri TV Telegram-арнасы
901 рет оқылды
