Алматыда жанармай құю бекеттерінің біріндегі күзетші-кассирге қарақшылық шабуыл жасалды, деп хабарлайды "Ұлт ақпарат".
Кезекшілікте отырған кассирге «жағдайын білу үшін» досы келген. Дегенмен бірнеше минуттан кейін АЖҚБ қызметшісі қан-жоса күйінде жерде құлап жатты.
«Өзара таныс ер азаматтар жұмыс уақытында үнемі кездесіп, жасырын түрде ащы судан татып жүрген. Сол күні 1980 жылы дүниеге келген Н. есімді азамат әдеттегідей досының жұмыс орнына келіп, екеуі ішкен. Кейін АЖҚБ-гі досынан ақша сұраған, ол бермеген. 54 жастағы зардап шегуші бұрылған кезде «серіктесі» нан турау үшін пайдаланған пышақты мойнына қадайды. Автожанармай бекетінің қызметкері жұмысшыларға арналған төсекке құлап түскен соң серіктесі ақшаның қай жерде тұрғанын айтуды талап еткен. Қарақшы кассадан 40 мың теңгені алып, досын қан-жоса күйінде тастап кеткен», - деп мәлімдеді Жетісу аудандық Полиция басқармасының полиция полковнигі Дархан Мұсанов.
Жамбыл облыстық департаментіндегі әріптестермен бірлесе жұмыс істеу барысында күдікті ұсталды. Қазіргі уақытта ұсталған Н. уақытша қамау изоляторына тоғытылды.
ҚР ҚК 192-бабы 2-тармағына (қарақшылық) сәйкес, сотқа дейінгі тергеу жұмысы басталды.
1363 рет оқылды
