Алматыда жаңадан салынып жатқан тұрғын үй кешенінде өрт шықты. Жалын 9 қабатты ғимараттың екінші қабатын шарпыған, деп хабарлайды "Ұлт ақпарат" қалалық ТЖД баспасөз қызметіне сілтеме жасап.
Оқиға орнынан түсірілген кадрлар әлеуметтік желіде жарияланып жатыр.
"Алматы қаласы ТЖД өрт сөндіру бөлімшелері түскі сағат 14:57-де Бостандық ауданы, Абай даңғылы мен Қашғар көшесінің қиылысындағы құрылысы жүріп жатқан тұрғын үй кешеніне жіберілді.
4 минутта жеткен алғашқы бөлімше 9 қабатты ғимараттың 2-қабатында болған өртті сөндірді. Өрт 15:07-де оқшауланып, 15:13-те толық жойылды", - деп хабарлады қалалық ТЖД баспасөз қызметі.
Зардап шеккендер жоқ. Өрттің шығу себебі анықталып жатыр.
625 рет оқылды
