Алматының Саин көшесінде төрт автокөліктің қатысуымен ірі жол апаты болды, деп хабарлайды "Ұлт ақпарат".
Қалалық полиция департаментінің мәліметінше, оқиға 16 қазан, түнгі сағат 22:00-де болған.
«Toyota Camry автокөлігінің жүргізушісі Саин көшесімен солтүстік бағытта келе жатты. Жұбанов көшесінің төменгі жағында орын ауыстыру кезінде Mitsubishi Delica көлігімен соқтығысуға жол берді. Соққының инерциясымен Toyota Camry FAW Jiefang-ке барып соғылды. Ал ол инерция бойынша ілеспе бағытта келе жатқан басқа Toyota Camry-ді соқты», - деді Алматы қалалық полиция департаменті анықтау басқармасының бастығы, подполковник Олжас Шәріпов.
Жол апаты салдарынан FAW Jiefang жүргізушісі мен жолаушысы қалалық ауруханаға жеткізілді.
Оқиғаның мән-жайын Әуезов ауданының полиция қызметкерлері тексеріп жатыр.
935 рет оқылды
