Фото: Zakon.kz
Алматының Алатау ауданы Ақкент шағынауданында орналасқан тоғыз қабатты тұрғын үйден өрт шықты, деп хабарлайды "Ұлт ақпарат".
Әлеуметтік желілерде көпқабатты үйдің жоғары жағын қара түтін басқан видео тарады.
Алматы ТЖД 14:30-да Ақкент шағынауданындағы 9 қабатты тұрғын үйден өрт шыққаны туралы хабарлама келіп түскенін айтты. Оқиға орнына ТЖД бірнеше өрт сөндіру бөлімшесі шыққан.
Өртсөндірушілер жетінші қабаттағы 10 шаршы метр лоджия жанып жатқанын анықтаған. Өрт 8-9 қабаттарға жетуі мүмкін еді. Жанып жатқан үйден 7 адам құтқарылып, 65 адам эвакуацияланған. Ал өрт 15:02-де сөндірілген.
Өрттің шығу себебі анықталып жатыр.
Сонымен қатар, Алматы қалалық ТЖД өрт қауіпсіздігінің қарапайым ережелерін сақтауды, яғни электр құралдарын қосулы күйде қараусыз қалдырмау, балкондарды жанғыш материалдармен қаптамау және темекі шекпеу туралы ескертті.
744 рет оқылды
_140_110.jpg)
_80_80.jpg)
