05 сәу, 2022 сағат 16:55

Алматыда ТҚКС жұмысшыларын ұрып-соғу сәті видеоға түсіп қалды

Алматы полициясы ТҚКС қызметкерлеріне жасалған топтық шабуылды тергеп жатыр, - деп хабарлайды Tengrinews.kz.

Әлеуметтік желіде қаладағы техникалық қызмет көрсету станцияларының біріндегі топтық төбелестің видеосы пайда болды. Басылым авторы тұтынушы мен техникалық қызмет көрсету станциясының қызметкері арасындағы жанжалдан кейін клиент өзімен бірге 10-ға жуық адамды алып келгенін және олар жұмысшы мен оның серіктесін топ болып соққыға жыққанын айтады. Қабырғалары мен басынан жарақат алған техникалық қызмет көрсету станциясының қызметкері ауруханаға жеткізілген.

Полицейлер бұл оқиғаның Қазақстан Республикасы Қылмыстық кодексінің 293-бабы "Бұзақылық" бойынша сотқа дейінгі тергеп-тексерудің бірыңғай тізіліміне тіркеліп, Жетісу ауданының полиция департаментінде тексеріліп жатқанын хабарлады.

Полиция күдіктілерді анықтап, іздестіріп жатыр.

"Кінәлілерді ұстап, жауапкершілікке тартуға бағытталған жедел-арнайы іс-шаралар кешені жүргізіліп жатыр", - деп қорытындылады Жетісу аудандық полиция бөлімінің бастығы, полиция полковнигі Дархан Мұсанов.

Тергеу барысы аудандық прокуратураның бақылауында.