видео кадры
Алматыда көпқабатты үйдің терезесінен оқ атқан ер адам ұсталды. Бұл туралы Полиция департаменті мәлім етті, деп хабарлайды Kazinform агенттігі.
«Алматы криминалдық полициясының қызметкерлері әлеуметтік желідегі дабыл бойынша жедел әрекет ету аясында Атырау облысының тұрғыны, 2000 жылы туған Х. есімді азаматты анықтады және ұстады. Ол тұрғын үй кешендерінің бірінің балконынан, анықталмаған тапаншадан аспанға екі рет оқ атқан. Одан үш патроны бар «RETAY PT24» сигналдық тапаншасы тәркіленді», - деп хабарлады департаменттен.
Ведомство өкілдері Бостандық аудандық полиция басқармасының қызметкерлерімен ұсталған адамның әрекетіне құқықтық баға берілетінін атап өтті.
Айта кетейік, бұған дейін әлеуметтік желіде тапаншаны оқтап, аспанға қарай оқ атқан ер адамның видеосы тараған болатын.
699 рет оқылды
