Алматыда пәтер ұрылары қылмыс үстінде ұсталды, - деп хабарлайды Polisia.kz.
Құлыптар, ноутбуктар, кілттер - мұның бәрі сериялық пәтер ұрыларынан тәркіленген.
Наурызбай ауданы полицейлерінің мәліметінше, 4 адамнан құралған топ қалада кемінде 5 ұрлық жасаған.
"Қылмыстық төрттікте барлық рөлдер алдын ала бөлінген. Үш орындаушы: біреуі сыртта тұрды, екеуі бөтен біреулердің пәтерінде иелік етіп жүрді. Ең үлкені – Қостанай облысының тумасы, 53 жастағы Г.есімді азамат, қылмыстық топтың қалған мүшелері – 30 жаста, 34 жаста және 41 жаста. Олар да - басқа жақтан келгендер. Ұстауды біздің бөлімше қызметкерлері қалалық Криминалдық полиция басқармасындағы әріптестерімен және полицияның арнайы жасақтарының көмегімен жүзеге асырды.
Қылмыс жасау тізбегі стандартты болды. Олар кіреберіске кіріп, есік қоңырауын басты, егер ешкім ашпаса және есіктің арғы жағы тыныш болса, олар кіреберіс есіктің құлпын ашқан. Есік құлыптарын ашу үшін қаскөйлерде арнайы құрылғылар болды: әртүрлі өлшемдегі басты кілттер, кілттер, имитаторлар. Мұның бәрі қораптарға салынған. Сырттағылармен байланысу үшін екі түймелі телефон болды. Қазіргі уақытта күдіктілердің қаланың әртүрлі ауданында орын алған 5 эпизодқа қатысы бар екендігі анықталды. Соңғы дерек Шұғыла шағын ауданындағы үйлердің бірінде тіркелген. Кілтті таңдау арқылы күдіктілер пәтерге кірген және жеке мүлікті ұрлап кеткен.
Күдіктілер оқиға орнында ұсталды", - дейді Наурызбай аудандық Полиция басқармасының басшысы Данияр Меңдебаев.
Ұсталғандардың үшеуі бұрын сотты болған және ұрлық жасағаны үшін жазасын өтеген. Олар уақытша ұстау изоляторына қамалды. Соталды тергеу ҚР ҚК-нің 188-бабы 3-бөлігі бойынша жүргізіліп жатыр.
802 рет оқылды
