Фото: globalnews.kz
Алматыда су құбыры жарылды, деп хабарлайды "Ұлт ақпарат" қалалық әкімдіктің баспасөз қызметіне сілтеме жасап.
Мыңбаев көшесі 49 мекенжайында су құбырының жарылуына байланысты сағат 3:40-тан бастап солтүстік бағытта орналасқан көшелерді, әсіресе Әуезов көшесін су басты. Су Райымбек даңғылына дейін жеткен, ол жерден арыққа түсіп жатыр.
Көктайғақтың алдын алу үшін Алматы тазалық МҚК қызметкерлері жол бойына 18 құмсепкіш көліктің күшімен, тротуарларға 4 тазалаушы көлікпен көктайғаққа қарсы құм себуге кіріскен.
"Апаттың салдары бүгін жойылады. Су басқан орындарда көктайғақ жабынының пайда болу ықтималдылығын ескере отырып, жүргізушілерді жылдамдықты азайтып, көлік арасындағы қашықтықты ұлғайтып, апатты жағдайды туындатпас үшін оқыс әрекеттер жасамауға, аталған аумақтарды мүмкіндігінше айналып өтуге, жаяу жүргіншілерді тротуарлармен жүргенде сақ болуға шақырамыз", - деді баспасөз қызметі өкілдері.
829 рет оқылды
