Алматыда көше қиылысында автокөлік бес жаяу жүргіншіні қағып кетті, деп хабарлайды Sputnik Қазақстан тілшісі.
Жол апаты Жандосов және Береговой көшелері қиылысында болған. Оқиға куәгерлерінің айтуынша, Subaru Tribeca Береговой көшесімен оңтүстік бағытта келе жатып, Жандосов көшесіне бұрылмақ болады, бірақ ол кезде бағдаршамның қызыл жарығы жанып, жаяу жүргіншілер жолды кесіп өте бастайды.
Subaru бес адамды қаққан, олардың үшеуі ересек, екеуі бала. Бәрі ауруханаға жатқызылды, екі әйел адам ауыр хәлде.
Subaru Tribeca айдаған әйел адамның айтуынша, көзіне күн шағылысып, жаяу жүргіншілерді көрмей қалыпты.
Полиция оқиғаның мән-жайын анықтауда.
2816 рет оқылды
