Алматыда жеңіл автокөлік автобус аялдамасына соғылды, салдарынан 7 адам зардап шекті. Бұл туралы қалалық полиция департаменті хабарлады.
Ведомство мәліметінше, жол апаты дүйсенбі сағат 12:20-да болған.
Mercedes көлігін тізгіндеген 1987 жылы туған жүргізуші Абылай хан көшесімен оңтүстік бағытта келе жатып, Райымбек даңғылына бұрылған тұста рөлге ие бола алмай, аялдамаға соқтығысқан.
"Жол апаты салдарынан аялдамада тұрған 7 адам зардап шекті. Олар қаланың медициналық мекемелеріне жеткізілді", - делінген хабарламада.
Бұл дерек Алмалы ауданы полиция басқармасында тіркеліп, өндіріске алынды.
607 рет оқылды
