Фото: Polisia.kz
Алматыда қылмыс әлемінің өкілдері ұсталды, - деп хабарлайды Ult.kz, Massaget.kzке сілтеме жасап.
Жедел іс-шаралардың нәтижесінде Алматы қаласында қылмыстық ортаның өкілдері болған күзет ұйымының әрекеттері әшкереленді. Олар қақтығыс пен арандатулар жасау арқылы нысандарды басып алумен айналысқан. Кейін олардың "қауіпсіздігін" қамтамасыз еткен.
Былтыр 23 қарашада фигуранттар криминалдық қамқорлық жасау және ықпал ету мақсатында караоке барға басып кіріп, мекеменің иесі мен күзетшілерін ұрып-соққан.
"Полицияға 10 күдікті жеткізіліп, 6-уы қамауға алынды. 20-дан аса іздеу іс-шаралары жүргізіліп, атыс және суық қару тәркіленді. Бұзақылық пен өз бетінше билік етудің бірнеше дерегі бойынша соталды тергеп-тексеру жүргізіліп жатыр. Күдіктілердің осыған ұқсас басқа да қылмыстарға қатысы бар-жоғы тексеріліп жатыр", – деді ІІМ ұйымдасқан қылмысқа қарсы күрес департаментінің өкілі Қуандық Алпыс.
168 рет оқылды
