Алматыда екі аудандағы бірнеше үйге ыстық су беру тоқтатылды, деп хабарлайды ҚазАқпарат тілшісі.
«Ақкент», «Жас Қанат», «КЭЧ» және «СВК» қазандықтарында жүргізіліп жатқан жөндеу жұмыстарына байланысты Алатау мен Түрксіб ауданында орналасқан бірқатар ғимаратқа ыстық су беру тоқтатылды.
Атап айтқанда, Жас Қанат және Жұлдыз-1 шағынаудандарында - 10-24 маусым аралығында, Мөңке би - Б. Момышұлы - Райымбек - Ф. Оңғарсынова шаршысында - 13-27 маусым аралығында; Б.Хмельницкий - Дөнентаев - Сүйінбай - Поддубный шаршысында 13 маусым-4 шілде аралығында су болмайды.
«Қазандық жабдықтары күзгі-қысқы жылыту маусымында жылу жоғалту көрсеткіші мен апаттық көрсеткішті азайту үшін жөнделетін болады», - деп мәлім етті «Алматы жылу желілері» ЖШС.
1862 рет оқылды
