Алматыда бір жылдан астам уақыт бұрын жоғалып кеткен ер адамның сүйегі Өскеменнің шетіндегі орман белдеуінен табылды, - деп хабарлайды Tengrinews.kz тілшісі Noks.kz сайтына сілтеме жасап.
LIDER.KZ еріктілер тобының мәліметінше, Алматыда 2021 жылдың 13 наурызында 1991 жылы туған ер адам жоғалып кеткен. Ол сол күні сағат 6:30 шамасында Райымбек даңғылындағы жұмысынан шыққан, кейін оны ешкім көрмеген. Жақында еріктілер жас жігітті іздеу жұмыстары тоқтағанын хабарлады.
"Ер адамның денесі Өскемен қаласының іргесіндегі орманнан табылды. 19 шілдеде бұл дерек бойынша соталды тергеу басталды. Сараптама жүргізілуде", - деп хабарлады ШҚО ІІД баспасөз қызметі.
532 рет оқылды
