Кеше Алматы қаласында қалың қардың салдарынан 200-ге жуық бұтақ пен ағаш құлады. Салдарынан 50-ден астамы жеке көлікке зақым келтірген, деп жазады "Ұлт ақпарат".
Қалалық құтқару қызметінің хабарлауынша, «109» қызметінің құтқарушылары мен аудандық әкімдік қызметкерлері құлаған ағаштарды тазалау үшін аталған жерлерге барады.
«Көптеген жағдайда құтқарушылар құлаған ағашты алыптастау үшін үшін арнайы құралды, гидравликалық жүк көтергіш кранды қолданды. «109» қызметіне келіп түскен қоңыраулар тез арада өз шешімін тапты»,- деп хабарлайды құтқару қызметі.
Сонымен қатар, құтқару қызметі тұрғындарды қалың қар немесе нөсер жаңбыр кезінде жеке қауіпсіздік шараларын сақтауға шақырады.
«Коммуналдық және қалалық қызметтер қабылдаған шұғыл шараларға қарамастан, мегаполистің кейбір аудандарында ағаштардың құлауы мүмкін. Жарақат мен ауыр зардаптардың алдын алу үшін, ағаштар мен көпқабатты үйлердің қасында жүрмеуге кеңес береміз. Сондай-ақ, көліктеріңізді қар басып қалған ағаштың түбіне қоймаңыз»,- деп толықтырды қалалық құтқару қызметі.
1165 рет оқылды
_140_110.jpg)
_80_80.jpg)