Алматы қалалық ТЖД газ анализаторы жоқ үйлерге газ қондырғыларын пайдалануға тыйым салуды ұсынады, деп хабарлайды "Ұлт ақпарат".
«Айта кету керек, Алматы қаласының төтенше жағдайлар департаменті газ қондырғыларының қауіпсіз жұмысына бақылау жұмыстарын жүргізбейді. Бұл бақылауды ҚР «Газ және газбен жабдықтау туралы» Заңының 7-бабына сәйкес, Алматы қаласының Тұрғын үй саясаты департаментінің бақылау бөлімі жүзеге асырады. Олар «ҚазТрансГаз-Аймақ» компаниясымен бірлесіп жұмыс істейді», - деді Алматы қалалық ТЖД бастығының орынбасары Арман Байгелов.
Арман Байгеловтың айтуынша, газ анализаторы табиғи газбен уланудың алдын алады. Ол газ шыққан кезде желіге газ беруді тоқтатып, қосымша желдетуді іске қосады.
«Өз кезегінде, табиғи газбен улану жағдайларының алдын алу үшін Алматы қаласының төтенше жағдайлар департаменті «ҚазТрансГаз Аймақ» АҚ-ға тұрғын үйлерге газ қондырғыларын газ анализаторынсыз пайдалануға беруге тыйым салуды ұсынды. Бұл табиғи газбен улану қаупін азайтады, өйткені «ҚазТрансГаз Аймақ» АҚ-ның негізгі міндеттері тауарлық газды жеткізуді ұйымдастыру, оны тасымалдау, газды кедергісіз және үзіліссіз қамтамасыз ету болып табылады», - деп атап өтті спикер.
1039 рет оқылды_140_110.jpg)
_80_80.jpg)
