Фото: 2gis.kz
Алматы қалалық сотының ғимаратында тексеру аяқталды. Жарылғыш зат табылмады, - деп хабарлайды Tengrinews.kz.
"Қазыбек би көшесіндегі қалалық сот ғимаратында жедел-іздестіру шаралары аяқталды. Ақпарат жалған болып шықты. Қазіргі уақытта экстремизмге қарсы күрес бөлімінің қызметкерлері аты-жөні белгісіз тұлғаны анықтап, одан әрі жеткізу бойынша жедел іс-шаралар жүргізіп жатыр", - деді Алматы полиция департаментінің ресми өкілі Салтанат Әзірбек.
Еске салайық, Алматыда қалалық сот ғимаратынан барлық судья мен қызметкер эвакуацияланған болатын.
"Бүгін Алматы қалалық сотының кіріс кеңсесі поштасына түрлі сипаттағы қоқан-лоққы жасалған хабарламалар келіп түсті. Осыған байланысты қазіргі уақытта сот ғимаратында хабарламалар тексеріліп жатыр. Құрметті азаматтар, түсінбеушілікке жол бермеу үшін процестердің кейінге қалдырылғаны туралы хабарлаймыз", - делінген хабарламада.
651 рет оқылды
