Фото: АР
Алматы облысында атыс болып, бір адам қаза тапты. Бұл туралы Алматы облысының полиция департаментінің бастығы Бауыржан Әленов Instagram-парақшасында хабарлады.
Естеріңізге сала кетейік, 7 қыркүйекте Іле ауданының орталық ауруханасына тегіс ұңғылы қарудан жарақат алған 4 жергілікті тұрғын түсті. Тағы бір адам ауруханаға барар жолда қайтыс болды.
"Жедел-іздестіру іс-шарасы барысында полиция қызметкерлері Алматы облысында атыс қатысушыларын анықтап, ұстады.
Аталған дерек ҚР Қылмыстық кодексінің 99-бабы (Кісі өлтіру) және ҚР Қылмыстық кодексінің 293-бабы 3-бөлігі (Бұзақылық) бойынша тіркелді.
Оқиғаның мән-жайы анықталып жатыр" - делінген хабарламада.
Қазіргі уақытта сараптамалық тексерулер тағайындалып, барлық қажетті тергеу шарасы жүргізілуде.
Аймақтағы жағдай тұрақты және бақылауда.
501 рет оқылды
