Алматы автопаркі жаңа маневрлі эвакуаторлармен толықты, - деп хабарлайды "Ұлт ақпарат" қала әкімдігінің өкілдеріне сілтеме жасап.
Алматы әкімі Бауыржан Байбек жұмыс сапары барысында қаланың құтқару қызметінің автопаркін толықтырған Ssang Young маркілі жаңа маневрлі эвакуаторларды қарап шықты. Барлығы 10 арнайы машина алынған, бұлар Евро-6 экологиялық сыныпқа сай. Бұрындары Құтқару қызметінің балансында Камаз және Маздарға көлікті толық тиейтін 20 эвакуатор болған.
"Арнайы техниканың өзіндік ерекшеліктері бар, олар түрлі бағытқа ыңғайлы, жанармайды аз жұмсайды, аулаларда, тар көшелерде, көпір астында жұмыс істей береді. Эвакуатор 90 градустық бұрышта көлік тиейді және оған небәрі 2 минут кетеді", - дейді әкімдік өкілдері.
Бұл арнайы техника аулаларда өрт болғанда көлікті эвакуциялау уақытын қысқартуға, апатты көліктерді магистральді көшелерден, қар тазарту кезінде қалған автомобильдерді тез арада алып кетуге, тұраққа дұрыс қойылмаған көлікті тиеу жұмысын жеңілдетуге мүмкіндік береді. ІІД-нің ӘПБ-мен бірге жедел-профилактикалық шараларды барынша тығыз байланыста жүргізеді. Өткен жылы қала бюджеті есебінен ІІД үшін 34 эвакуатор алынғаны аталып өтілді.
Айта кетейік, жаңа эвакуаторлар түсірілген видео мұның алдында әлеуметтік желіде тараған болатын.
2887 рет оқылды
