Алматы әкімдігі жылу желісінде болған апаттың себебін түсіндірді, деп хабарлайды "Ұлт ақпарат".
Баспасөз қызметінің хабарлауынша, 14 қазанда 12:05-те ЖЭО-2 стансасынан ыстық су сағатына 3800 тоннадан 4200-ге артқан кезде құбыр жарылып кеткен. 12:27-де қалалық ТЖД Бөкейханов Райымбек көшелерінің қиылысында батысқа қарай тұста құбыр жарылғаны туралы хабарлама түсті.
Апатты жағдайды ауыздықтау үшін «АлТС» апатты қызметінің қызметкерлері, 18 адам мен 9 техника жұмылдырылған.
«Жарылған құбырды жөндеуге 9 бригада тартылды. Диаметрі 700 мм болатын жылу құбыры өте ескірген. 1971 жылы пайдалануға берілген. Қазір құбырдың тесілген сегменті ауыстырылып жатыр», - деді әкімдіктен.
Ал аталған аймақтағы тұтынушыларға ыстық су бірнеше сағатта беріледі.
1202 рет оқылды
