Қалада «Әлемге құшақ ашқан - Түркістан» атты жаңа жоба басталды, деп хабарлайды "Ұлт ақпарат" Облыстық жастар ресурстық орталығының баспасөз қызметіне сілтеме жасап.
Мақсат – Түркістан қаласын ғаламдық ірі туризм орталығына айналдыру және қызмет көрсету сапасын жақсартуда еріктілердің көмегімен жаңа тәсілдер қалыптастыру.
Іс-шара барысында туристер көп келетін қоғамдық орындар мен көрнекі жерлерге «Алтын қағидалар» енгізілді. Еріктілер қаладағы дәмханалар мен мейрамханаларды және өзге де қоғамдық тамақтану орындарын аралап арнайы жадынамаларды таратты. Онда қалаға келген қонақтарға сапалы қызмет көрсету, жол сілтеу, қонақжайлылық таныту секілді кеңестер жазылған.
Облыстық жастар ресурстық орталығы директорының міндетін атқарушы Амалбек Өміртай жастардың қолға алған игі бастамасын қолдауға шақырды.
- Қалаға келген қонақтарға қызмет көрсету үшін әрбір адамның шет тілін білуі маңызды емес. Тек күлімдеп қарсы алып, сапалы қызмет көрсетілсе, жеткілікті. Әрбір келушіге дархан көңілімізді білдіріп, ұмытылмас саяхатта жүргендерін сезіндіруіміз қажет, – дейді А.Дәркенұлы.
Жаңа жоба аясында қолданысқа түскен «Алтын қағидалар» алдағы уақытта әрбір түркістандықтың ұстанар басты қағидатына айналатындығына ерікті жастар сенімді.
- Мен Түркістанға келген әрбір қонақтың үлкен әсерге бөленгенін қалаймын. Әрі қонақжайлылығымыздың куәсі болып, қаламыз жайында жақсы пікір қалыптасса деймін. Сондықтан да бұл игі іске өз үлесімді қосудамын, – дейді ерікті Айдана Есіркеп.
1326 рет оқылды
_140_110.jpg)
_80_80.jpg)
