Ақтауда шенеунікке 30 миллион теңгеге жуық айыппұл салынды

Маңғыстау облысының Ауыл шаруашылығы басқармасы бастығының орынбасары фермерлік шаруашылықтарда күн панельдерін орнату үшін субсидия алуға және оған қадағалау жасай алатын мүмкіндігі болған. Ол 2019 жылдан бастап 2020 жылға дейінгі кезеңде жалпы сомасы 705 000 теңге болатын пара алған.

Қылмыстық істің екінші фигуранты мемлекеттен субсидия алу мақсатында "Qoldau" порталына жалған шарттар енгізіп, онда сатып алынған тауарлардың нақты құнынан жоғары бағаны көрсеткен. Өзінің алаяқтық әрекеттерімен ол мемлекетке 6 903 275 теңге мөлшерінде материалдық залал келтірді.

Сот үкімімен ауыл шаруашылығы басқармасы бастығының орынбасары ҚР ҚК-нің 366-бабы 3-бөлігінің 4-тармағы және (Лауазымды адамның заңсыз әрекеттері үшін ақша түрінде бірнеше рет пара алуы), ҚР ҚК-нің 371-бабының 2-бөлігі (Лауазымды адамның қызметке жосықсыз немесе ұқыпсыз қарауы салдарынан өз міндеттерін орындамауы немесе тиісінше орындамауы, егер бұл лауазымды адамның өз міндеттерін орындамауына немесе тиісінше орындамауына әкеп соқса, кінәлі деп танылды ұйымдардың құқықтары мен заңды мүдделеріне не қоғамның немесе мемлекеттің заңмен қорғалатын мүдделеріне абайсызда ауыр зардаптарға әкеп соққан елеулі зиян келтіру) бойынша айыпты деп танылды. Сот оны белгілі бір лауазымдарды атқару немесе белгілі бір қызметпен айналысу құқығынан өмір бойына айырып, 28 200 000 теңге мөлшерінде айыппұл салды.