Фото: lada.kz
Маңғыстау облыстық ауруханасында емделіп жатқан науқас екінші қабаттан құлап, зардап шекті. Ер адам есікті сындырып, дәлізге жүгіріп шыққан, содан кейін баспалдақтан секіріп кеткен, - деп хабарлайды Tengrinews.kz сайты Lada.kz сайтына сілтеме жасап.
Ер адамның шынтақ буынына ота жасалуы керек болған.
"1969 жылы туған науқас 6 наурызда келіп түсті, шынтақ буыны шығып кеткен. Наркозбен шұғыл түрде шынтақ орнына салынды. Науқасқа қолының ісігені басылған соң операциядан кейін ота жасау жоспарланған. Жарақат ауруханаға түскеннен үш күн бұрын болған. Науқас ішімдік ішкенін жоққа шығарған жоқ", - деді Маңғыстау облыстық көпсалалы ауруханасы өкілдері.
Оқиға 10 наурызда таңертең операция жоспарланған күні болған.
"Таңертең кезекші дәрігер тексерген. Кезекші дәрігердің айтуынша, сағат 07:15-те ер адам травматология бөлімінің әйнек есігін сындырып, дәлізге жүгіріп шыққан, содан кейін екінші қабаттан секіріп кеткен", - деп хабарлады Маңғыстау облыстық ауруханасы.
Дәрігерлер ер адамның галлюцинация немесе алкогольден мас болу себепті психомоторлы қозу салдарынан екінші қабаттан құлағанын жоққа шығармайды.
"Жарақат алған науқастың жағдайы тұрақты ауыр, ол жансақтау бөлімінде жатыр. Құлаған кезде ер адамның оң жамбасы сынған", - деді медициналық мекеме мамандары.
Сондай-ақ, аурухана өкілдері тергеу жүріп жатқанын айтты.
818 рет оқылды
