Фото: © Sputnik
Маңғыстау облысында Білім бөлімінің басшысы ұсталды, - деп хабарлайды "Ұлт ақпарат" Антикор баспасөз қызметіне сілтеме жасап.
"Маңғыстау облысы бойынша Сыбайлас жемқорлыққа қарсы қызмет білім беру саласында заңсыз баюдың жемқорлық схемасын ашты.
Жүргізілген жедел-тергеу іс-шараларының нәтижесі бойынша Ақтау қаласы Білім бөлімінің басшысы әшкереленді.
Ол аз қамтылған отбасылардан шыққан отбасыларға тамақтандыру қызметтерін көрсету бойынша жасалған шарттар шеңберінде орындалған жұмыстар актілеріне кедергісіз қол қойғаны үшін, сондай-ақ ақша қаражатын аудару және жалпы қамқорлығы үшін пара алу фактісі бойынша күдікке ілінді" - делінген хабарламада.
Агенттік мәліметінше, соттың санкциясымен күдікті қамауда ұсталады. Сотқа дейінгі тергеу жалғасып жатыр.
Қылмыстық-процестік кодексінің 201-бабына сәйкес өзге ақпарат жария етуге жатпайды. Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
797 рет оқылды
