Фото: Polisia.kz
Қызылорда облысында "Ақшабұлақ" кен орнында өрт шығып, салдарынан 1 адам қаза болды, - деп хабарлайды "Ұлт ақпарат" ІІМ баспасөз қызметіне сілтеме жасап.
Ведомство мәліметінше, полиция “Ақшабұлақ“ кен орнындағы өртке байланысты тергеу жүргізіп жатыр.
"19 тамыз түнгі сағат 02:20 шамасында “Ақшабұлақ” кен орнында цистерна жарылып, өрт болды. Салдарынан 1 адам оқиға орнында қайтыс болып, 3 адам облыстық аурухананың жансақтау бөліміне жатқызылса, 1 адам медициналық мекемеге көрініп, қайтарылды.
ҚР ҚК 156-бабының 3-бөлігімен сотқа дейінгі тергеп – тексеру әрекеттері жүргізіліп жатыр. Тиісті сараптамалар тағайындалып, мән–жайлар анықталуда" - делінген хабарламада.
808 рет оқылды
