Фото: Polisia.kz
Ақмола облысы Ұйымдасқан қылмысқа қарсы күрес басқармасының қызметкерлері тұрғынды қорқыту жолымен екі несие рәсімдеген бопсалаушыларды ұстады, - деп хабарлайды Polisia.kz.
Көкшетау полициясына бопсалау дерегі туралы облыстық орталықтың 22 жастағы тұрғыны жүгінген. Жас жігіттің айтуы бойынша, белгісіз үш жігіт оны пәтерге күшпен кіргізіп, денесіне зақым келтіріп, кейін пышақпен қорқытып, үлкен мөлшерде қаражат талап еткен.
"Жағдайларды егжей-тегжейлі анықтаған жедел уәкілдер жәбірленушінің бұған дейін ВКонтакте әлеуметтік желісінде қызбен танысқанын анықтады. Алғашқы кездесуден кейін оны бопсалаушылар "ұстап алған". Жәбірленушіде талап етілген сома болмағандықтан, қаскөйлер оның телефонындағы банктердің қолданыстағы қосымшалары арқылы екі онлайн-несие рәсімдеп, жәбірленушіні үнемі өздерінің бақылауында ұстап, жақын маңдағы банкоматтардан ақшаны шешіп алған", - делінген хабарламада.
Қолма-қол ақша берген жәбірленуші бірден полицияға жүгінген. Дерек ҚР ҚК-нің 194-бабы 2-бөлігі ("Қорқытып алу") бойынша соталды тергеп-тексерулердің бірыңғай тізілімінде тіркелген.
"Көкшетауда арнайы операция нәтижесінде ұйымдасқан қылмысқа қарсы күрес басқармасының қызметкерлері күдіктілерді ұстады. Облыс орталығының 25 жастағы тұрғыны, олардың "көшбасшысына" қатысты "қамауда ұстау" бұлтартпау шарасы тағайындалды, өзге екі қатысушыға қатысты да шара қабылданып, қылмыстық істі тергеу жалғасып жатыр", - делінген хабарламада.
657 рет оқылды
