2020 жылы құны 1,6 млрд доллар болатын 41 инвестициялық жоба жүзеге асырылды. Бұл «КАZAKH INVEST» ҰК» АҚ басқармасының төрағасы Мейіржан Жүсіпов мәлім етті, деп хабарлайды ҚазАқпарат.
«Өткен жылдың қорытындысында KAZAKH INVEST-тің қолдауымен жалпы сомасы 1,6 млрд АҚШ долл құрайтын 41 инвестициялық жоба іске асырылды. Нәтижесінде 7 мың жаңа жұмыс орын құрылды», - деді Мейіржан Жүсіп Орталық коммуникациялар қызметіндегі баспасөз мәслихаты барысында.
Ұлттық компания басшысының дерегінше, оның ішінде агроөнеркәсіп кешенінде – 8 жоба, жаңартылатын энергия көздері бойынша – 7 жоба, машина жасау саласында - 6 жоба, ақпараттық-коммуникациялық технологиялар саласында – 3 жоба, жылжымайтын мүлік, фармацевтика, денсаулық сақтау, құрылыс материалдары салаларында – 2 жобадан және химия, металлургия және басқа да салаларда бір-бір жобадан жүзеге асырылды.
684 рет оқылды
