Мемлекеттік кірістер комитетінің мамандары 2020 жылдың көлік салығы қай жылдың айлық есептік көрсеткішімен есептелетінін айтты, деп хабарлайды "Ұлт ақпарат".
Биыл көлік салығының төлеу мерзімі сәуірге шегерілгендіктен, оның мөлшері қай жылдың айлық есептік көрсеткішімен есептелетінін түсінбей жатқандар көп. Мемлекеттік кірістер комитетінің өндірістік емес төлемдерді, жеке тұлғаларды әкімшілендіру және арнайы салық режимі департаментінің директоры Азамат Садықов аталмыш мәселеге тағы да тоқталып, салық есептеу тәртібін түсіндірді.
«Көлік салығын есептеу кезінде салық есептелген салық кезеңіне, яғни 2020 жылғы 1 қаңтарға қолданылатын АЕК қолданылады. Атап айтқанда, біз 2020 жылға көлік салығын есептедік, ол кезде АЕК 1 қаңтарға 2 651 теңгені құраған болатын», - деді Азамат Садықов орталық коммуникациялар қызметінде.
Еске салсақ, бұған дейін басқа қалаға көшкен көлік иелері салықты қандай мекенжай бойынша төлейтінін жазған болатынбыз.
1071 рет оқылды
