2020 жылы өнеркәсіп саласындағы отандық өндірушілердің бағасы 4,2 пайызға төмендеді. Мұндай деректі ҚР Стратегиялық жоспарлау және реформалар агенттігінің Ұлттық статистика бюросы ұсынды, деп хабарлайды ҚазАқпарат.
Жыл ішінде тау-кен өндіруде бағаның мұнайға - 22,8, табиғи газға 8,4 пайызға төмендеуі, металл кендеріне - 36,1, көмірге 2,5 пайызға жоғарылауы байқалды.
Өңдеу саласында баға мысқа - 32,7, асыл металдарға - 25,6, алюминийге - 19,8, мырышқа - 19,4, қара металдар илегіне - 7,9, қорғасынға 2,9 пайыз жоғарылады, ферроқорытпаларға 6,8 пайыз төмендеді. Мұнай өнімдерінен мазут - 38,1, дизель отыны - 13,3, бензин 10,2 пайыз арзандады, сұйытылған пропан және бутан 6,5 пайыз қымбаттады.
Азық-түлік өнімдерінен өндірушілерде баға өсімдік майына - 41,1, қантқа - 19,9, жармаларға - 15,5, қара бидай ұнына - 14,5, бидай ұнына - 12,9, макарон өнімдеріне - 10,7, шайға - 10, нанға - 7,6, сүт өнімдеріне - 7, күрішке - 5,6, мал етіне - 6,1, құс етіне 1,1 пайыз қымбаттады.
Электр энергиясымен және сумен жабдықтауда бумен, ыстық сумен жабдықтау қызметтерінің бағасы - 16,2, электр энергиясы, оны тарату бойынша қызметтерді қоса алғанда - 12,7, суды бөлу бойынша қызметтер 5,7 өсті.
1092 рет оқылды
_140_110.jpg)
