QR Ulttyq banki valiýta naryǵyndaǵy ahýalǵa qatysty túsinikteme berdi, dep habarlaidy "Ult aqparat" Banktiń baspasóz qyzmetine silteme jasap.
«2018 jylǵy 13 tamyzdaǵy tańǵy sessiia qorytyndysy boiynsha, 1 dollar 363 teńgeni qurady. Bul ótken kúndermen salystyrǵanda, teńge 15 AQSh dollaryna ósip nemese 1,8%-ke deiin qunsyzdandy. Bul damýshy elder valiýtalarynyń jalpy álsireýi nátijesinde bolyp jatqan qubylys», - dedi QR Ulttyq bankinen.
Damýshy elderdiń aqsha naryǵyndaǵy jaǵdai geosaiasi shielenisten týyndap otyr. Sondai-aq, AQSh-tyń Resei, Qytai, Túrkiia siiaqty elderge salyp otyrǵan sanktsiialyq saiasatynyń kórinisi. Bul diplomatiialyq qatynastardyń shielenisýine ákelip otyr.
«AQSh dollarynyń álemdik qarjy naryǵyndaǵy jalpylama nyǵaiýy baiqalady. Bul ekonomikadaǵy oń tendentsiianyń yqpalynda AQSh Federaldy rezerv júiesiniń paiyzdyq mólsherlemesin kóterý jaǵdailary boljanýda. Bul faktorlar damýshy elderdiń naryǵyndaǵy kapitaldyń damyǵan elder naryǵyna quiylýyna yqpal etti», - dedi Ulttyq bankten.
Aita keteiik Ulttyq bank teńge baǵamyn erkin ainalymǵa jibergeni belgili. Sondyqtan da teńge kýrsy fýndamentaldy faktorlardyń yqpalymen, naryqtyq jaǵdaiǵa sai qalyptasady.
