Qazaqstanda oqýshylardy jumyspen qamtý jáne kásiptik baǵdarlanýyn qamtamasyz etý úshin birqatar sharalar júzege asyrylýda. Bul týraly Úkimet otyrysynda eńbek jáne halyqty áleýmettik qorǵaý ministri Asqarbek Ertaev málimdedi, dep habarlaidy ult.kz.
Ol elektrondyq enbek.kz eńbek birjasy platformasynda ótken jyldan bastap «Meniń jazǵy demalysym» dep atalatyn arnaiy bólim iske qosylǵanyn atap ótti.
«Bul oqýshylarǵa 14 jastan bastap platformada tirkelip, jeke kabinet quryp, túiindeme ornalastyrý arqyly óz betinshe qolaily jumys izdeýge múmkindik beredi. Osy rette, 16 jasqa deiingi oqýshylar úshin jeke kabinetti tirkeýdi jáne qurýdy zańdy ókilder júzege asyrady», — dep túsindirdi Asqarbek Ertaev.
Platforma resmi túrde qaýipsiz jumys izdeýdi jáne mindetti eńbek sharttaryn jasasýdy qamtamasyz etedi. 2026 jyldyń basynan bastap «Meniń jazǵy demalysym» platformasy arqyly 1 024 oqýshy, al 2025 jyly 4 552 oqýshy jumysqa ornalastyryldy.
Jalpy, ótken jyldan beri belsendi sharalarmen 8,5 myńnan astam oqýshy qamtyldy. Olardyń edáýir bóligi qoǵamdyq jumystarǵa ornalastyrylǵan, óitkeni oǵan qatysý kezinde bilim qajet etilmeidi. Biyl jumysqa ornalastyrý oqý protsesi aiaqtalǵannan keiin bastalady.
