QR Prezidenti Is basqarmasy Meditsinalyq ortalyǵynyń aýrýhanasynda qyzmet atqaratyn dárigerler robot-hirýrgtardyń minimaldy aralasýymen ota jasaityn bolady, dep jazady tengrinews.kz tilshisi.
Prezident klinikasynda robototehnologiialarǵa arnalǵan anyqtama ortalyǵyn qurý boiynsha jumystar qarqyndy túrde júrgizilip jatyr. Robot-hirýrg mamandy almastyrmaidy, kerisinshe, oǵan áldeqaida tiimdi jáne dálirek manipýliatsiialar jasaýǵa kómektesedi.
Meditsina tilindegi mundai operatsiialar laparoskopiia dep atalady. Naýqas adamnyń ishki organdaryna ota jasaý úshin denesinde úlken tilimderdiń ornyna shaǵyn tesikter jasalady. Robottalǵan hirýrgiia ginekologiiada, ýrologiiada, asqazan jáne ishekti emdeý operatsiialarynda qoldanylady.
«Mundai operatsiialardy jasaǵanda jaraqattaný dárejesi edáýir qysqarady, al patsienttiń densaýlyǵy tez arada qalpyna keledi. Hirýrg óz kezeginde robot júrgizgen manipýliatsiialardy basqarady. Bunyń birneshe artyqshylyǵy bar: adamnan aiyrmashylyǵy robot sharshamaidy; ol adamdarǵa tán qimyl-qozǵalysty, uzaq merzimde naqty ári dál oryndap otyrady; onyń quraldary manipýliatsiia alańynda jarany jaqsy tigýge múmkindik beredi. Sonymen qatar, robot operatsiialyq óristi jaqsy beineleýge kómektesedi, bul degenimiz hirýrgiialyq qatelikterge jol bermeidi», – deidi direktordyń hirýrgiia boiynsha orynbasary Serik Meńdiqulov.
Referens ortalyq dep atalý sebebi, ol jerde tek qana ota jasalyp qoimaidy, sonymen qosa jańa tehnologiialarmen jumys isteitin hirýrgterdi de úiretý sabaqtary ótedi. Ortalyqtaǵy master-klasstar qazaqstandyq jáne sheteldik mamandarǵa arnalyp ótkiziletin bolady.
«Kez-kelgen tehnologiiany engizgende mamandardy oqytýdan bastaý kerek. Bizdiń klinika dárigerleriniń birinshi toby osy kúzde Eýropadan tájiribeden ótýge barady: shetelden robototehnikamen jumys isteý úshin oqý kýrsyn ótedi. Aýrýhanada engizilgen tehnologiia mamandarymyzdyń kásibi daǵdylaryn jetildirip, naýqastardy emdeý jáne ońaltý sapaly bolatynyna senimdimiz. Bul ortalyq halyqaralyq deńgeide qyzmet kórsetetin bolady», – dep málimdedi Devid Samadimen jumys babyndaǵy kezdesýi kezinde QR PIB Meditsinalyq ortalyǵynyń direktory Ámir Ahetov.
Bedeldi amerikandyq hirýrg ota jasaityn robottardyń meditsinada paida bolǵanynan bastap, olardyń kómegimen jumys isteitin álemdegi tuńǵysh mamandardyń biri boldy. Búgingi tańda ol 7 myńnan astam otany hirýrg-robottardyń kómegimen sátti jasap shyqqan.
