Foto:olympic.kz
Parij olimpiadasyna 8,8 million bilet satyldy, bul rekordtyq kórsetkish, dep habarlaidy "Ult Aqparat".
Bul týraly Halyqaralyq olimpiada komitetiniń sport direktory Kit Makkonnell jýrnalisterge habarlady. Onyń aitýynsha, bul Frantsiiadaǵy sporttyq is-sharaǵa satylǵan eń kóp bilet sany bolyp otyr. Buǵan deiingi rekord 1996 jyly Atlantada ornatylǵan, sol kezde 8,3 million bilet satylǵan edi.
«8,8 millionnan astam bilet satyldy — bul keremet san, Frantsiiadaǵy sporttyq is-sharanyń eń joǵary kórsetkishi», — dedi Kit Makkonnell.
Oiyndarda qaýipsizdikti qamtamasyz etý úshin ártúrli qyzmetterdiń 30 myńǵa jýyq qyzmetkeri jumyldyrylyp, Olimpiada qalashyǵynda 166 delegatsiia tirkelgen.
Qazaqstan atynan Parij olimpiadasyna 80 sportshy qatysady. Jazǵy Olimpiada oiyndary 2024 jyldyń 26 shildesi men 11 tamyzy aralyǵynda ótedi.
