Sýret: UOK
Tas joldaǵy velosporttan Qazaqstan komandasy Parij Olimpiadasyna qatysatyn sportshylar esimin jariialady.
QR Ulttyq olimpiadalyq komiteti málim etkendei, Frantsiia astanasynda elimizdiń namysyn eki shabandoz qorǵamaq. Naqtyraq aitsaq, tórtjyldyq dodada el namysyn Evgenii Fedorov pen Aleksei Lýtsenko qorǵaidy.
Qazaqstan quramasynyń aǵa jattyqtyýshysy Daniil Fominyhtyń aitýynsha, eki sportshy qazir Astana Kazakhstan Team velokomandasy sapynda iri jarystarǵa qatysýda.
Tas joldaǵy velosporttan Qazaqstan komandasy enshisinde úsh litsenziia bar. Úsheýi de jekelegen sportshylarǵa emes, komandaǵa berildi. Parij oiyndaryna kvota 2023 jylǵy maýsymdaǵy qurama nátijesine qarai bólindi. UCI álemdik reitingi boiynsha Qazaqstan komandasy 3660.24 upaimen 19-orynnan kóringen. Bir kvota jekelei jarysqa, eki kvota toptyq jarysqa berilip otyr.
Bir qyzyǵy, Parijge attanatyn eki velosportshymyz da anderler arasynda álem chempiony atanǵan. Aleksei Lýtsenko 2012 jyly top jarsa, Evgenii Fedorov araǵa on jyl salyp, 2022 jyly altyn medal jeńip aldy.
Qazaqstan komandasynyń úzdigi Aleksei Lýtsenko úshin bul ekinshi Olimpiada bolmaq. Ol Tokiodaǵy jazǵy oiyndarǵa qatysyp, toptyq synda 21, jekelei synda 32-orynnan kórindi. Al Rio Olimpiadasy qarsańynda jaraqatyna bailanysty jarystan bas tartqan edi. Lýtsenko Aziia oiyndarynyń úsh dúrkin chempiony, 2017 jylǵy Aziia birinshiliginiń jeńimpazy. «Výelta» jáne «Týr de Frans» kópkúndikteriniń bir kezeńinde jeńiske jetken. Alekseidiń úlken sporttaǵy jeńisti kezeńi 2012 jylǵy jastar arasyndaǵy álem birinshiliginiń altynynan bastalǵan bolatyn.
Al Evgenii Fedorov úshin bul óz mansabyndaǵy alǵashqy Olimpiada bolmaq. Jas sportshy buǵan deiin 2018 jyly Argentinada ótken jasóspirimder Olimpiadasynda top jarǵan. Odan bólek, Fedorovtyń enshisinde 2023 jylǵy Aziia oiyndarynyń altyny bar. Sondai-aq, Evgenii anderler arasynda álem chempiony atanyp, Aziia chempionattarynda eki márte jeńiske jetken.
Qazaqstan táýelsizdik alǵaly beri jazǵy Olimpiadada velosporttan eki medal jeńip alǵan. Onyń ekeýi de Aleksandr Vinokýrovqa tiesili. Dańqty velosportshy 2000 jylǵy Sidnei Olimpiadasynda kúmis, 2012 jylǵy London Olimpiadasynda altyn medal jeńip alǵan bolatyn.
27 shilde kúni velosportshylar jekelei synda Parij Olimpiadasynyń jeńimpazyn anyqtaidy. Al erler arasyndaǵy toptyq jarys 3 tamyzǵa josparlanǵan.
Esterińizge sala keteiik, biylǵy Frantsiia astanasy Parijde ótetin HHHIII jazǵy Olimpiada oiyndary 26 shilde men 11 tamyz aralyǵynda ótedi.
