NASA Kún júiesine jaqyn keńistikten ólshemi Jer sharyna sáikes keletin 7 jańa ǵalamshar tabylǵanyn jariialady, dep jazady VVS. Olar TRAPPIST-1 qyzyl juldyzynyń orbitasynan tabylǵan jáne 7 ǵalamshardyń úsheýi ómir súrý úshin qolaily bolýy múmkin. Bul týraly "Egemen Qazaqstan" jazdy.
Ǵalymdardyń aitýynsha, onda sýdyń suiyq kúiinde saqtalýyna múmkindik bar. Jer sharynan ǵalamsharlardyń uzaqtyǵyn salystyryp kórsetý úshin ǵalymdar olarǵa ushaqpen ushyp barý úshin 49 mln jyl ýaqyt ketedi dep otyr.
«Ǵalamsharlardyń barlyǵy bir-birine jáne Aiǵa uqsaityn Iýpiterge jaqyn ornalasqan», deidi astronom Mishel Giion. Astronomnyń aitýynsha, bul ekzoplanetalar «Spittser» atty teleskop arqyly tabylǵan.
VVS-diń ǵylym salasy boiynsha sholýshysy Devid Shýkmannyń aitýynsha, NASA osy kúnge deiin 3449 ǵalamshar anyqtaǵan. Onyń aitýynsha, másele olardyń sanynda emes, kópshiliginiń Jerge uqsastyǵynda eken. Al joǵaryda atalǵan TRAPPIST-1 juldyzy — kishkentai ári jaryq emes. Iaǵni, ony teleskoppen kórý qiynǵa soǵady. Sarapshynyń aitýynsha, NASA-nyń jańalyǵy áli basy ǵana. Sebebi endi ǵalymdar onda kislorod pen metan sekildi gazdardyń bar-joǵyn anyqtaýy kerek.
Al NASA-nyń ǵylymi missiialar bólimi basshysynyń orynbasary Tomas Tsýrbiýhen Vashingtondaǵy baspasóz konferentsiiasynda ekinshi Jer tabylady ma dep emes, ol qashan tabylady degen suraqqa basa nazar aýdarý kerek dep otyr.
