Aýyr júk tasyǵysh kólikterdiń alǵashqy legi jergilikti politsiianyń súiemeldeýimen Pýýrs (Belgiia) aimaǵyndaǵy amerikalyq Pfizer kompaniiasynyń zaýytynan shyqty. Júk kólikteri Eýropalyq Odaqtyń barlyq 27 eline preparat jetkizetin bolady, dep habarlaidy "Ult aqparat".
Tońazytqysh qondyrǵylarmen jabdyqtalǵan úsh úlken júk kóligi politsiia avtokólikterimen birge zaýyttan shyǵyp, «Essers transport» logistikalyq ortalyǵyna bet aldy. Ári qarai vaktsina EO-nyń basqa elderine taratylady.
Pfizer vaktsinasyn Tselsii shkalasy boiynsha 70-ten 80 gradýsqa deiingi temperatýrada saqtaý kerek. Sondyqtan júk kólikteriniń júrgizýshileri tótenshe jaǵdailarda áreket etýge arnaiy daiyndalǵan.
Pfizer jáne BioNTech jasaǵan vaktsina dúisenbide Eýropalyq dári-dármek agenttiginiń ruqsatyn aldy jáne olardy sol kúni Eýropalyq komissiia maquldaǵan bolatyn.
Eýropalyq Komissiianyń Prezidenti Ýrsýla fon der Liaien vaktsina EO-nyń barlyq elderine «bir ýaqytta jáne birdei sharttarda» qoljetimdi bolady dep málimdegen edi.
Álemdik deńgeide Pfizer vaktsinasy AQSh, Ulybritaniia jáne Shveitsariiada qoldanýǵa maquldanǵan.
Budan buryn habarlanǵandai, aldyn ala nátije kórsetkendei, ǵalymdar koronavirýstan 90% qorǵaityn tiimdi vaktsinany jasap shyǵardy.
Pfizer jáne BioNTech ázirleýshi kompaniialar bul oqiǵany ǵylym men adamzat úshin uly kún dep atady. Klinikalyq synaqtarǵa álemniń alty elinde 43500 adam qatysyp, onyń esh janama áseri bolmady. Ázirleýshiler jańa vaktsinany qarasha aiynyń sońynda qoldanyp kórmek. Sol úshin jedel sertifikattaý protsedýrasyna ótinish berýdi josparlap otyr.
