"Zimniaia vishnia" oiyn-saýyq saýda ortalyǵy órtenip, birneshe adam qaza tapqannan keiin Kemerovo turǵyndary alańǵa shyǵyp, miting ótkizip jatyr. Halyq gýbernator Aman Tóleevtiń otstavkasyn talap etýde.
"Kemerovo qalasynda miting. Shamamen 4 myń adam ákimshilik ǵimaratynyń mańyna jinalyp, Aman Tóleevtiń otstavkaǵa ketýin talap etip jatyr. Jinalǵan halyqtyń arasynda órtten qaza tapqandardyń týystary da bar", - dep jazylǵan Mash Telegram-kanalynda.
"NGS.Novosti" portaly bolsa mitingtiń Sovet alańynda ótip jatqanyn jazdy. Jinalǵan turǵyndar marqum bolǵandardy aza tutyp, oqiǵadan keiingi oilarymen bólisýde. Halyq aldyna qala meri Ilia Serdiýk shyǵyp basý aitqan. Degenmen, turǵyndar onyń da qyzmetten ketýin talap etip, sózin tyńdaýdan bas tartypty.
Aita keteiik, Resei prezidenti Vladimir Pýtin de qazirgi ýaqytta Kemerovte. Osyǵan deiin Resei prezidenti Kemerovtegi 64 adamnyń ólimine ákep soqqan "Zimniaia vishnia" saýda úiinde bolǵan órttiń neden shyqqanyna qatysty pikir bildirgen bolatyn.
"Bizde ne bolyp jatyr, bul áskeri qaqtyǵys emes, ken ornyndaǵy metannyń shyǵyp ketýi emes qoi. Adamdar demalýǵa keldi, balalar. Demografiia týraly aityp, osynsha adamdy nege joǵaltyp otyrmyz? Bul qylmystyq salǵyrttyqtan, bos belbeýlikten boldy", - degen edi Pýtin órt saldaryn joiýǵa arnalǵan Kemerovtegi jiyn barysynda.
Eske sala keteiik, 25 naýryzda bolǵan tótenshe jaǵdaidan keiin 64 adamnyń qaza tapqany, olardyń ishinde kem degeni segizi bala ekeni habarlanǵan edi. Condai-aq, aýrýhanalarda tótenshe jaǵdaidan zardap shekken 13 adamnyń jatqany aitylǵan bolatyn. Keiinnen taǵy 50 adam meditsinalyq kómekke júgingen.
