Elbasy maqalasynan bastaý alǵan «100 jańa esim» jobasy qoǵam nazarynda. Joba bastalǵanan beri túrli pikirtalastar, oitalqylar qyzý júrip jatyr.
Jańa esimderdi anyqtaý jolynda El.kz saity bilek sybana iske kiristi. Portalǵa bas-aiaǵy 2 aidyń ishinde myńnan asa elektrondy ótinish kelip túsken.
Jaqynda Astana qalasynda «100 jańa esimdi» anyqtaýǵa arnalǵan offlain aktsiia bastaldy.
Bul naýqannyń basty ereksheligi uiymdastyrýshylar halyq kóp shoǵyrlanatyn jerlerde arnaiy anketa taratady. Kez kelgen adam oǵan óziniń nemese tanystarynyń úlgi bolarlyq tarihyn jaza alady. Al jinalǵan aqparat keiin El.kz saitynda jariialanady.
«Offlain aktsiia tilek bildirýshiler kórsetkishin odan ary artýyna jáne «100 jańa esimge» laiyqty keiipkerlerdi tabýǵa kómektesedi», – deidi uiymdastyrýshylar.
Bul jerde «Qazaqstandaǵy 100 jańa esim» jobasyna kimder enýi tiis?» degen zańdy saýal týyndaýy múmkin.
Buǵan deiin arnaiy sarapshylar bas qosyp, júz tulǵany qandai qaǵidalar boiynsha tańdaý keregin talqylanǵan bolatyn. Elbasy maqalasynda táýelsizdik jyldary tabysqa jetken zamandastardyń jetistikterin álemge tanytý kerektigi aitylǵan.
Sarapshylar: «Buryn-sońdy bundai joba Qazaqstanda qolǵa alynbaǵan», – dedi. 100 jańa esimdi tańdaýda áleýmettik, mádeni, salalyq jáne aimaqtyq sekildi kóptegen qaǵida eskerilmek.
Qalai desek te, jańa esimder qazaq jurtyna tanylyp qana qoimai, álem jurtshylyǵyn moiyndatqan jańa talanttar bolady degen úmittemiz. Jáne de sol bir jańa esimniń orda buzar otyzdan jalynda jiyrmanyń arasyndaǵy jastar bolǵanyn qalaimyz. Áitpese, qyrqynda qamal alǵan nebir jaisańdarymyzdyń bary anyq. Olardy da "jańa esim" dep jurtqa jariia qyla bersek, tanylmai kelgen jastarymyz úshin obal bolary sózsiz. Sol sebepti, jańa esimdi izdeýde jastarǵa basymdyq bergen jón.
