2 qarashada QR Premer-Ministri Asqar Maminniń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysy ótti, dep habarlaidy "Ult aqparat" primeminister.kz-ke silteme jasap.
Biylǵy 2 qarashadaǵy jaǵdai boiynsha QR kóptegen óńirinde syrqattanýshylyqtyń ósýi baiqalady. Osy jylǵy 5-18 qazan aralyǵynda elimizde virýsty juqtyrǵan 1 272 adam anyqtaldy, 19 qazan men 1 qarasha aralyǵynda – 3 352 adam. Táýligine 442 adam aýyryp qaldy. Ósý qarqyny 0,4%-dy, reprodýktivtilik kórsetkishi 1,4-ti quraidy. Infektsiialyq tósek oryndary 22%-ǵa, reanimatsiialyq oryndar 18%-ǵa júktelgen.
Bir ai ishinde syrqattanýshylyq deńgeiiniń eń joǵary ósimi Shyǵys Qazaqstan, Aqmola, Qostanai, Batys Qazaqstan, Pavlodar oblystarynda baiqalady.
Úkimet basshysy biznes sýbektileri men halyqtyń shekteý sharalary men karantin rejimin saqtaýyn baqylaý jónindegi monitoringtik toptar qyzmetiniń tiimdiligin arttyrýdy tapsyrdy.
Premer-Ministr barlyq óńirler turaqtandyrý qorlaryn Densaýlyq saqtaý ministrliginiń normativterine deiin jetkizý boiynsha alǵa qoiylǵan mindetti oryndaǵanyn atap ótti.
Úkimet basshysy emhanalardy, statsionarlardy, jedel járdem qyzmetterin qajetti jabdyqpen tolyqtyrýdy jalǵastyrýdy tapsyrdy.
Tsifrlandyrý jáne densaýlyq saqtaý ministrlikterine aýrýdy juqtyrǵandarmen bailanysta bolǵan adamdardy, naýqastardy qadaǵalaý, sanitariialyq talaptardyń saqtalýyna monitoring jasaý jónindegi baǵdarlamalardy ázirlep, engizýdi jedeldetý, Indýstriia ministrligine óńirlerge rentgen apparattaryn, jedel járdem avtokólikterin jetkizýdi jyldamdatý, ákimdikterge olardy qabyldaýdy tezdetý tapsyryldy.
VAK birqatar sheshim qabyldady:
I. Myna azamattar úshin Memlekettik shekarany kesip ótý tártibine ózgerister engizý:
- QR aýmaǵynda turýǵa yqtiiarhaty bar sheteldikter, olardyń otbasy músheleri úshin;
- QR azamattarynyń otbasy músheleri bolyp tabylatyn sheteldikter úshin.
Atalǵan sanattaǵy tulǵalar QR Memlekettik shekarasyn 90 táýlikte 1 retten artyq kesip óte almaidy (buǵan deiin 30 táýlik bolǵan).
II. Vizasyz rejim boiynsha
57 eldiń azamattary úshin vizasyz rejimdi toqtata turýdy 2021 jylǵy 1 mamyrǵa deiin uzartý.
QHR men Úndistannan keletin tranzittik jolaýshylardyń QR aýmaǵynda 72 saǵat vizasyz bolýyn toqtata turýdy 2021 jylǵy 1 qańtarǵa deiin uzartý.
III. Túrkiiamen áýe reisteri boiynsha
2020 jylǵy 9 qarashadan bastap Túrkiiamen halyqaralyq áýe reisteriniń sanyn aptasyna 33-ten 20-ǵa deiin qysqartý.
Aita keteiik, jiynda sanitarlyq-epidemiologiialyq ahýal jáne COVID-19-dyń ekinshi tolqynyna daiyndyq týraly densaýlyq saqtaý ministri A. Tsoi, jeke qorǵanysh quraldarynyń baǵa saiasatyn monitoringileý jumysy týraly Básekelestikti qorǵaý jáne damytý agenttiginiń tóraǵasy S. Jumanǵarin, sanitarlyq talaptardyń saqtalýyn baqylaý týraly ishki ister ministri E. Turǵymbaev, óńirlerdegi ahýal týraly Aqmola oblysynyń ákimi E. Marjyqpaev, Soltústik Qazaqstan oblysynyń ákimi Q. Aqsaqalov, Pavlodar oblysynyń ákimi Á. Sqaqov, Shyǵys Qazaqstan oblysy ákiminiń orynbasary Sh. Buqtuǵutov baiandama jasady.
