Denis Ten bizdiń elimizdiń maqtanyshy, betke ustar sport sheberi bolatyn.
Qazaqstan musylmandary dini basqarmasy Denistiń týǵan-týystary men jaqyndaryna kóńil aita otyryp, bolǵan oqiǵaǵa sabyr tileimiz, qaiǵysyna ortaqpyz.
Bul oqiǵa – qanysherlik is ári jabaiylyqtyń, qaraqshylyqtyń kórinisi. Islam dini – qaraqshylyqpen ainalysyp adam qanyn tógýdi aiyptaidy jáne birde-bir adamdy jazyqsyz óltirýge jol bermeidi. Tipti, sol arqyly kúlli adamzatty qutqarý qajet bolsa da. Sondyqtan da, bir adamnyń qanyn tógý barsha adamzatty óltirgenmen teń. Alla Taǵala qasietti Quran Kárimde qan tógýshilikti aiyptai otyryp:
«Kimde-kim kisi óltirmegen nemese jer betinde búlik shyǵaryp, buzaqylyq jasamaǵan beikúná jandy naqaqtan-naqaq óltirse, búkil adamzatty óltirgendei bolady», – deidi. («ál-Máida» súresi, 32-aiat)
Sonymen qatar, imam Múslim, Nasai jáne Tirmizi sekildi ǵalymdardyń hadister jinaǵynda kelgendei Alla elshisi (Oǵan Allanyń igiligi men sálemi bolsyn):
Iaǵni, Allanyń quzyrynda árbir adam balasynyń qadir-qasieti bar. Mine, Jaratýshynyń aldynda qadiri bar adamnyń qanyn tókkeni úshin qylmyskerler zań boiynsha qatań túrde jazalanýy qajet. Alla Taǵala Quranda:
«Qaraqshylyqpen ainalysyp jer betinde búlik shyǵaryp, buzaqylyq jasaǵandarǵa beriletin jaza – ...olardyń dúniede kóretini qorlyq. Al, aqyrette olar úshin jan tózgisiz azap bar», – degen.
Aiattyń maǵynasyna úńiler bolsaq, Alla Taǵalanyń Ózi qurmetke bólegen adam balasynyń jazyqsyz ólimi úshin dúniede qorlyqqa ushyratyp, aqyrette qatań jaza beretindigi eskertilýde. Sebebi, mundai soraqy qylmys tek qana qatygez qylmyskerdiń ǵana isi.
Qazaqstan Musylmandary Dini basqarmasy
