Foto: danimed.spb.ru
Buryn súlikpen emdeý halyq emi bolsa, búginde meditsinada óz ornyn qalyptastyrǵan suranysqa ie salanyń birine ainaldy. Súlik salý ǵylymda girýdoterapiia dep atalady. Qazirgi tańda súlik salý kardiologiia, oftalmologiia, dermotologiia jáne basqa da salalarda qoldanylyp júr. Ult.kz tilshisi erekshe em týraly izdenip kórdi.
Súlik kúretamyr jáne qan tamyr aýrýlaryna, teri aýrýlaryna, ókpege, bas saqinasy, infark, insýlt, glaýkomaǵa em.
Qazirgi tańda súlikterdiń 400-ge tarta túri bar. Alaida olardyń ishindegi meditsina súligi ǵana emge paidalanylady. Súlikpen emdeý tásili zamanaýi emdeý tásilderiniń ishinde eń suranysqa ie tásildiń biri.
Fatima Akan, Rayyan emdeý ortalyǵynyń girýdoterapevti:
Súlik silekeiinde 40-qa jýyq fermentter bar. Al adamnan qan alý qandaǵy plazma quramyndaǵy limfotsitterdiń mólsherin ózgertedi. Endi súliktiń myń túrli paidasyn eseptei berińiz. Súlikten bólinetin fermentter adam aǵzasyndaǵy qannyń, jasýshalardyń, limfalardyń mikrotserkýliatsiiasyn jaqsartyp, qalpyna keltiredi. Nátijesinde qan qysymy bir qalypqa túsip, múshelerdiń isýi basylyp, aýrýlar basylyp, ishemiia derti emdeledi. Eń bastysy adam aǵzasyndaǵy barlyq qan ainalym júiesiniń jumysy qalypqa túsedi. Em qabyldaý súiek, bulshyq etter jáne býyndarǵa oń áserin tigizedi. Súlikpen emdeýdiń arqasynda qannyń uiyǵany tarqap, zararsyz isikter jazylyp, immýnitet kóterilip, zat almasý protsesi jaqsarady.
Eger adamnyń kóńil-kúii qubylmaly bolyp, ashýshań, depressiia, ishki qorqynysh bolsa, súlikpen qal aldyrýdyń oǵan da paidasy bar. Súlikpen em qabyldaý fiziologiialyq jáne psihologiialyq kózqaras turǵysynan qarasań óte nátijeli. Sebebi olar tabiǵi, aýyrtpaityn tiri ine bolyp tabylady.
Fatima Akan, Rayyan emdeý ortalyǵynyń girýdoterapevti:
«Súliktiń áiel aǵzasyna áseri óte tiimdi. Ol qandy sorý kezinde kúshti reflektorlyq yqpal jasap, nátijesinde kishi jambastaǵy (malyi taz) qabyný jáne irkilý protsesin toqtatady. Jatyrdyń qabynbaly jáne sozylmaly dertterin emdep, mastit, mioma, mastopatiia dertterine shipa. Súlikti arnaiy meditsinalyq fabrikalarda ósirip, taratady. Meditsinalyq súliktiń nátijeli bolý úshin deneniń biologiialyq belsendiligi jaqsy jerlerine qoiý kerek.Bir emge paidalanylǵan súlikterdi kelesi emge qoldanýǵa bolmaidy. Sondyqtan olardy óltirip tastaidy.
Girýdoterapiia halyq arasynda kóp jarnamalanbaidy. Soǵan qaramastan emdelýshiler bir-birinen estip, suranysty kún sanap arttyryp keledi.
Súlikpen emdeý búginde Almaty qalasynda 1500 teńgeden (bir súlik) bastalyp, 3000 teńgege deiin barady. Ol emdeý ortalyǵynyń ornalasqan jeri men emdeitin mamandarynaǵ qyzmetine qarai. Rayyan emdeý ortalyǵynda súlikpen emdeý 2200 teńge (bir súlik), al emdeý kýrsy 10 retke deiin jalǵasýy múmkin. Ár kýrstyń arasy 7-10 kún.
