Instagram, Facebook, Twitter jáne Youtube Donald Tramptyń akkaýntyn bloktap tastady, dep habarlaidy "Ult aqparat".
Búgin Instagram men Facebook Tramptyń akkaýntyn - 24 saǵatqa, al Twitter 12 - saǵatqa bloktady.
Osy áleýmettik jelilermen birge Youtube te Tramptyń Kapitolii mańynda jaqtastaryna joldaǵan videoúndeýin kórsetpei tastady.
Áleýmettik jelilerdiń ákimshiligi bul video olardyń talaptaryn buzatynyn málim etti.
Bul - AQSh prezidenti osy ýaqyt aralyǵynda atalmysh platformalarda eshteńe jariialai almaidy degen sóz.
Eske sala keteiik, keshe AQSh kongresi sailaýshylardyń daýsyn eseptep, 2020 jylǵy prezident sailaýynyń qorytyndysyn shyǵarý úshin jinalǵan bolatyn. Osy kúni Donald Tramp jaqtastarynyń jappai narazylyq aktsiiasynan keiin oǵan qatysýshylardyń bir toby kongress ǵimaratyna basyp kirdi.
Donald Tramp osynyń aldynda Vashingtonnyń ortasynda myńdaǵan adam jinalǵan mitingte sóz sóilep, óziniń jeńilgenin moiyndamaitynyn aitqan. Sóitip ózine senetin qaýymdy Kapitolii ǵimaratyna baryp, narazylyq bildirýge shaqyrdy.
Bilik Vashingtonda komendanttyq saǵat engizdi.
