AQSh prezidenti Djo Baidenniń inagýratsiialaý aptalyǵynyń ashylýyna arnalǵan saltanatty is-shara ótti.
Onda Dimash Qudaibergen qazaqtyń «Samaltaý» halyq ánin oryndady, dep habarlaidy dimashnews.com saity.
Dástúr boiynsha saltanatty sharany baýyrlas qalalardyń halyqaralyq qaýymdastyǵy – Sister Cities International uiymy ótkizdi.
Koronavirýs pandemiiasyna bailanysty biyl shara onlain-rejimde ótti.
Merekede belgili spikerler men oryndaýshylar sóz sóiledi. Olardyń ishinde: gýbernator Bill Anabýtti, Djozefina Bivers, general-maior Armando Kabada, kongressmen Eleonora Holms Norton, maior Tim Keller, senator Bob Menendez, AQSh teńiz orkestri, Kerol Robertson Lopez jáne taǵy basqalar bar.
Dimash SCI ókilderine shaqyrǵandary úshin alǵysyn bildirdi.
Sister Cities International bas direktory Leroi Allala óz kezeginde qazaqstandyq oryndaýshynyń shyǵarmashylyǵy adamdardy, olardyń mádenieti men tilin biriktiretinin atap ótti. Munyń bári - Prezident Eizenhaýerdiń elder arasynda beibit qarym-qatynas ornatý týraly kózqarasynyń ajyramas bóligi.
Sonymen qatar Dimashtyń 20 qańtarda Sister Cities International resmi saitynda taǵy bir án oryndaýy kórsetiletindigi jariialandy. Bir aptaǵa sozylatyn merekelerdiń ortasynda DimashNews redaktsiiasy SCI bas direktory Lero Allalmen kezdesýge múmkindik berdi, onyń uiymy ótkizetin saltanatty is-shara týraly kóbirek bilýge múmkindik aldy.
