Foto: Týrizm jáne sport ministrligi
Para dziýdodan 48 kg salmaq dárejesinde (J2 sanaty) beldesken Aqmaral Naýatbek Parij Paralimpiadasynyń jeńimpazy atandy.
Otandasymyz finalda Frantsiia ókili Sandrina Martineden basym túsip, altyn júldege qol jetkizdi.
Aqmaral Parij tatamiiniń jartylai finalynda túrkiialyq Djahide Ekeni, shirek finalda úndistandyq Kokilany ipponmen jeńgen edi.
Prezident Qasym-Jomart Toqaev Aqmaral Naýatbekti jeńisimen quttyqtap, jazba jariialady.
"Aqmaral Naýatbekti Paralimpiada oiyndarynda altyn medal jeńip alýymen quttyqtaimyn! Siz el mereiin asyryp, sport jankúierlerine zor qýanysh syiladyńyz. Qajyrly eńbek pen qaitpas qaisarlyqtyń arqasynda eń myqty qarsylastaryńyzdan basym tústińiz. Jeńisti kúnderińiz kóp bolsyn!" – dedi prezident áleýmettik jelidegi paraqshasynda.
Eske salsaq, buǵan deiin Parij Paralimpiada oiyndarynda qazaqstandyq David Degtiarev paýerliftingten chempion atanǵan edi.
