"Abý-Dabi Plazadaǵy" sheteldik jumysshylardyń oqiǵasy deregi boiynsha kompaniiada ishki tergeý júrip jatyr. Bul týraly kaz.tengrinews.kz tilshisine merdiger qurylys kompaniiasynyń qyzmetkeri habarlady.
Eske salsaq, 2 qyrkúiekte saǵat 21.00 shamasynda "Abý-Dabi Plaza" qurylys alańynyń baqylaý-ótkizý pýnktinde sheteldik jumysshylar men kúzet kompaniiasynyń qyzmetkeriniń arasynda turmystyq janjal bolǵan edi. Keiin janjal 30 adam qatysqan tóbeleske ulasqan.
"Qazirgi ýaqytta tergeý júrip jatyr. Kompaniia basshylyǵy Qazaqstannyń jáne Úndistannyń qyzmetkerlerimen kezdesip jatyr. Sátsiz oqiǵa boldy. Túsinbeýshilik. Jaǵdaidy retteý úshin shara qabyldap jatyrmyz. Jaǵdai baqylaýda", - dedi merdiger kompaniianyń qyzmetkeri.
Al osy ýaqytta Jelide kompaniia basshylyǵy men jumysshylardyń kezdesýinde túsirilgen video paida boldy. Onda kompaniia ókilderi kinálilerdiń ultyna qaramastan jazalanatyny jaily aitady.
Al munyń aldynda QR SIM basshysy Qairat Ábdirahmanov úndistandyq taraptyń "Abý-Dabi Plazadaǵy" jaǵdaiǵa qatysty pikirin aitqan edi.
