Qazaqstan Respýblikasy Prezidentiniń Bes áleýmettik bastamasy sheńberinde Ulttyq Bank «7 – 20 – 25. Árbir otbasyna baspana alýdyń jańa múmkindikteri» baǵdarlamasyn ázirleýde. Ol kópshilik úshin turǵyn úi ipotekasynyń qoljetimdiligin arttyrýǵa baǵyttalǵan.
Ulttyq Bank ótken jyldardyń neǵurlym sátti tájiribesin paidalanyp, Memleket basshysy aiqyndaǵan talaptarmen «7 – 20 – 25» baǵdarlamasyn iske qospaqshy: jyldyq 7%-ben 25 jylǵa, 20% bastapqy jarnamen. Eń bastysy, ipotekalyq kreditterdi sekiýritilendirýdiń mindetti tetigimen ekinshi deńgeidegi bankter arqyly ipotekalyq kreditteýdiń naryqtyq qaǵidattaryn paidalaný.
Ulttyq Bank «7 – 20 – 25. Árbir otbasyna baspana alýdyń jańa múmkindikteri» baǵdarlamasyn iske asyrýdyń tórt negizgi kezeńderin aiqyndady.
Birinshi kezeńdi iske asyrǵan kezde bankter men qor naryǵynyń múmkindikterin barynsha iske qosa otyryp, ipotekalyq kreditterdiń sekiýritilendirý tetigin qalpyna keltirý qajet. Ulttyq Bank 100%-dyq enshiles arnaiy kompaniiany – Baǵdarlamanyń operatoryn qurý týraly sheshim qabyldady. Jańa kompaniianyń kapitaly Ulttyq Banktiń qarajaty esebinen qalyptasady. Kapital kompaniiaǵa 7-20-25 formýlasy boiynsha ipotekalyq kreditterdi satyp alý rásimin iske qosý úshin naryqtyq talaptarmen qarjy naryǵynan qarajat tartý úshin qajet. Bul sekiýritilendirý tetigi.
Ekinshi kezeń Baǵdarlamany tiimdi iske asyrý úshin osy kompaniiany qarjy agenttiginiń tanýyn bildiredi. Bul kompaniianyń obligatsiialary úshin memlekettik baǵaly qaǵazdarǵa salyq salǵandai salyq salýdy bildiredi.
Úshinshi kezeń turǵyn úi bastamasynyń jańa múmkindikteri árkimge jeńildik talaptaryn beretin memlekettiń teńdessiz qadamy bolyp tabylatyndyǵymen sipattalady. Alaida, baǵdarlama masyldyqqa jol bermeýge tiis. Baǵdarlamanyń qarjylyq jaǵy bolashaq qaryz alýshylardyń tólem jasaý qabilettiligin talap etedi. Baǵdarlamaǵa resmi kirisi bar Qazaqstan azamaty qatysa alady. Qazirgi kezde banktermen ólshemsharttar pysyqtalýda. Turǵyn úi quny ártúrli bolǵandyqtan, iri qalalar men óńirler boiynsha baspana qunyn saralaý joqqa shyǵarylmaidy.
Tórtinshi kezeń jeńildik berilgen ipotekalyq kreditter tolyǵymen qamtamasyz etilgen jáne túgel qaitarymdy bolýǵa tiis ekendigin bildiredi. Sońǵy jyldary engizilgen, ipotekalyq kredit berýdi tartymdy etpegen keibir normalar qaita qaraldy. Ulttyq Bank qajetti zańnamalyq túzetýlerdi Úkimettiń qaraýyna jiberdi.
Atalǵan ólshemder aldyn ala bolýda, áli múddeli memlekettik organdarmen jáne banktermen talqylanady. Óńirlerde halyqty turǵyn úimen qamtýdy arttyrý bóliginde jergilikti atqarýshy organdardyń pikirleri men múddelerin eskerý de mańyzdy.
