#
#
Дүйсенбі 17/12/2018

Өскеменде Археология және Алтай мәдени мұрасының музейі ашылды

  • 27.11.2018
  • 10
  • 344

С.Аманжолов атындағы Шығыс Қазақстан мемлекеттік университетінде Археология және Алтайдың мәдени мұрасы мұражайы мен университеттің тарихи мұражайы ашылды, деп хабарлайды "Ұлт ақпаратaltaynews.kz сайтына сілтеме жасап.

Тарих ғылымдарының докторы, археолог ғалым Зейнолла Самашев қазақ даласы, оның ішінде кенді Алтай өңірі ежелгі металлургия мен тау-кен өндірісінің орталығы болғанын ерекше атап өтті. Кезінде археолог С. Черников те Шығыс Қазақстан аймағын бүкіл Еуразия кеңістігіндегі қола құю өнері дамыған өңірлердің бірі ретінде сипаттаған. Ғалымның айтуынша, мұражай жәдігерлерінің дені Шығыс Қазақстан мемлекеттік университетінің студенттері осы өңірде жүргізген археологиялық қазба жұмыстары кезінде табылған. 

«Осы жерден табылған қалайы рудасы сонау қос өзен бойынан Месопотамияға дейін тараған. Қола дәуіріндегі мәдениеттің жұрнақтары, заттардың бәрі Оңтүстік Сібірге тарап отырған», - деді ол.

Елбасының «Ұлы даланың жеті қыры» мақаласы аясында мұражайды ашу жоспарының өзектілігі арта түсіп, бір жылдан астам уақыт дайындықтан кейін оның есігі айқара ашылды. Президент өз мақаласында тарихымыз бен мәдениетімізге қатысты жеті бағытты анықтап, жұмыс істеуді тапсырды. Соның бірі - қола дәуіріндегі қазақ халқының ежелгі металлургиясы мен өнерінің дамуына байланысты. Сондай-ақ аң стилі, жылқыны қолға үйрету, алтын адамға байланысты барлық жәдігерлерді жинастырып, музей ашу тапсырмасы берілді.

«Әріптестерімнің өзінің туған өлкесінің тарихына үлкен мән беруі ерекше қуанышқа бөлеп отыр. Мұражай әзірге кішкентай болғанымен, өте жинақы, мұнда археологияның барлық кезеңдері қамтылған», - деді Астанадағы Ұлттық мұражайдың директоры Жәкен Таймағамбетов.

Мұражай қорын үнемі толықтырып отыру көзделген.

10 пікір

  • TимурCәрсенбі, 28.11.2018

    Өскемен, кенді Алтай жері тарихи ескерткіштерге бай аймақ. Негізі Шығыс Қазақстан облысы аумағында 623 тарих және мәдениет ескерткіштері бар

  • АқботаCәрсенбі, 28.11.2018

    Шығыс Қазақстан аумағы тек сауда-экономикалық, қаржы, мәдениет орталығы болып қана қоймай, сонымен қатар қазақ елінің құрамына енген түрлі түркі тайпаларының қағанаттары пайда болған жер

  • АйгеримCәрсенбі, 28.11.2018

    В нашей истории еще много не раскрытых моментов, предстоит большая работа еще

  • МаралCәрсенбі, 28.11.2018

    Статья президента играет большую роль в нашем дальнейшем культурном и духовном развитии

  • МадинаCәрсенбі, 28.11.2018

    Думаю, по всей стране нужно открыть исторические музеи, где будут хранится факты о нашей прошлой жизни. о наших предках

  • анонимCәрсенбі, 28.11.2018

    Собираюсь летом съездить в Усть-Каменогорск к родственникам, заодно и детям покажу музей.

  • анонимCәрсенбі, 28.11.2018

    Надо сходить

  • анонимCәрсенбі, 28.11.2018

    Что-то новенькое в нашем городе

  • ақмаржанCәрсенбі, 28.11.2018

    мұражайдың ашылуы құтты болсын, келушілер қатары көбейсін, жұмыстарыңызға сәттілік тілеймін

  • дауренCәрсенбі, 28.11.2018

    шыны керек музейге баруымыз сиреп кетті соңғы уақыттары, барып тұру керек рухани азықтанып

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар