Сенбі және жексенбі күнгі демалыстарда Нұр-Сұлтан қаласында травматологиялық пункттерге 60 адам жүгінді. Оның ішінде 29 бала көктайғақ салдарынан жарақат алған, деп хабарлайды "Ұлт ақпарат".
Елорда әкімдігінің мәліметіне сәйкес, қалада 4 травмпункт пен емханалардағы 20 травматологиялық кабинет көмек көрсетеді.
Атап айтқанда, №1 қалалық аурухананың трамвпункті Есіл ауданының тұрғындарына қызмет көрсетеді. Орталық жол ауруханасының жарақат пункті – Сарыарқа ауданының тұрғындарына арналған. Ал Травматология және ортопедия ғылыми-зерттеу институты Алматы және Байқоңыр аудандарына қызмет көрсетеді. Бұл ретте, балалар үшін № 2 қалалық балалар ауруханасының жарақат пункті жұмыс істейді.
Емханалардың жұмыс уақыты 08-ден 20:00-ге дейін. Бұл мекемелердің көмегіне пациенттер тұрғылықты жері бойынша жүгіне алады (анықтамалық ақпарат «109» телефон нөмірі арқылы).
1184 рет оқылды
