Қазақстандық кәсіпқой боксшы Данияр Елеусінов АҚШ-тың Мэриленд штатында өткен бокс кешінде чилилік Луис Норамбуэнаны айқын басымдықпен жеңді.
Осылайша ол кәсіпқой бокстағы жетінші жеңісіне қол жеткізді. Жартылай орта салмақта өткен жекпе-жек жоспарланған 6 раундқа созылды. Төрешілер бағасы бойынша 60-54, 60-54 және 59-55 есебімен отандасымыз жеңіске жетті.
Айта кетсек, қазақстандық боксшы кәсіпқой бокстағы жолын 2018 жылдың сәуір айында бастады. Одан бергі аралықта 7 жекпе-жек өткізіп, барлығында жеңіске жетіп келеді. Үш кездесуінде қарсыласын уақытынан бұрын жеңіп шықты.
1781 рет оқылды
